Արսենալը 35մլն ֆունտ է առաջարկում Բենզեմայի դիմաց |
"Արսենալի” գլխավոր մարզիչ Արսեն Վենգերը հաստատել է, որ իր ակումբը շատ ակտիվ է լինելու տրանսֆերային շուկայում, ինչպես նաև հայտարարել է, որ հետարքրվում է "Ռեալի” հարձակվող Կարիմ Բենզեմայի ծառայություններով: Ֆրանսիացին ավարտված մրցաշրջանում 48 հանդիպում է անցկացրել և 26 գոլ խփել, բայց նա այդքան էլ լավ հարաբերությունների մեջ չէ մադրիդյան թիմի մարզիչ Ժոզե Մոուրինյոյի հետ: Բենզեմայի տրանսֆերը գնահատվում է 35մլն ֆունտ:
"Բենզեմայի տեղափոխությունն ինձ անհնարին չի թվում, - Վենգերի խոսքերն է մեջբերում The Sun-ը, - նրա խաղը ինձ դուր է գալիս: Կարիմը արագ է շարժվում, կարող է լավ համագործակցել խաղընկերների հետ և որ ամենակարևորն է` անհատապես շատ ուժեղ է: Ես Բենզեմային թոփ-մակարդակի ֆուտբոլիստ եմ համարում”:
Նաև Վենգերը մտադիր է պահել թիմում Գայեկ Կլիշիին, ում պայմանագրի ժամկետը լրանում է մեկ տարուց և ում ծառայություններով հետաքրքրված են "Ինտերը” և "Բավարիան”:
|
Просмотров: 456 |
Добавил: KaRoLi
| Рейтинг: 0.0/0 |